EK verwys na verlede week se hoofberig op die sportblaaie, “Plaaslike helde maak stem dik”. Geluk aan Jaco van Wyk vir ’n puik en genotvolle berig oor so ’n geskiedkundige gebeurtenis. Met ’n klein bietjie navorsing, sou hy agtergekom het dat nog spelers van die Boland Kavaliers ook plaaslik gebrei is.
Franzel September (6); Cornal Hendricks (11); Jacquin Jansen (15) en Clement Lewis (reserwe-haker) was almal ysters by Bergrivier Hoërskool op Wellington.
September was op sy dag ook kaptein van die skool se o.19-span en het ook die Boland o.18 Akademiespan aangevoer.
