EK is onlangs, op Saterdagoggend 30 Januarie, ontslaan uit die G-6 saal van die Paar Hospitaal na behandeling vir hartversaking.
My medikasie moes ek by die hospitaalapteek gaan afhaal, wat op daardie stadium om tienuur sou oopmaak.
Die stoele was redelik vol op daardie stadium. Pasiënte was ongeduldig en het kru taal gebruik,terwyl hulle in ’n siektetoestand verkeer.
Ek wil graag vir mnr November en mnr Truter bedank dat hulle die situasie op ’n professionele manier tot bedaring gebring het.
Die apteek is die enigste in sy soort wat sewe dae per week tot elfuur oop is vir dienste.
Die toeganklikheid word aan ons uitgewys, en dit is ’n voorreg om medikasie op so ’n bekostigbare wyse te kan bekom.
Binne oomblikke was ek gehelp en het verstaan wat aan my verduidelik was. Julle twee was “top”.
AJ Storman, Noorder-Paarl
