Rugby-flitse
2010-02-25
EVERGREENS RUGBYKLUB
Evergreens Rugbyklub hou Saterdag ’n uitkloptoernooi te Evergreens Park vanaf 09:00. Spanne kan gratis inskryf.
Kontak vir Japie (078-870-9787) of Andries (076-609-7455).
HILLCREST UNITED
Hillcrest United vier vanjaar hul 10de bestaansjaar. Die feesvieringe gaan oor die hele jaar strek en sluit talle verrigtinge in. Eerskomende Saterdag speel dié klub hul eerste vriendskaplike wedstryd teen Silverleafs (weg), gevolg deur wedstryde teen Eersterivier (weg) en Laer Paarl (tuis).
PAARL RUGBYKLUB
Paarl Rugbyklub se eerste vriendskaplike wedstryd vind Saterdag plaas teen Ikeys op die Faurestraat-stadion.
Die derde span speel om 14:45, gevolg deur die 2de span om 16:00 en die 1ste span om 17:15.
Die klub bied op 6 Maart ’n onder 20 rugbydag aan te Faurestraat. Klubs wat in aksie gaan wees, is Maties, Hamiltons, Valsbaai, WP Instituut en RPC.
ROSES UNITED
Roses United pak Saterdag vir Belhar op Pelikaanpark.
Die Rose, wat twee weke gelede maklik met Evergreens afgereken het, sal dié keer tot die uiterste beproef word. Die eerste wedstryd begin om 13:30.
UNITED STONES
United Stones Rugbyklub bied eerskomende Saterdag ’n uitklopoternooi aan te Newton Sportvelde vanaf 10:00. Alle klubs is welkom om deel te neem en daar sal ook ’n biertuin wees. Alle klubs moet hul skeidsregters saambring. Die wenspan sal met R1500 beloon word, die naaswenner met R500.
More
News
|
