Paarl-Oos val vas teen Maties
2010-02-25
DIE eerste krieketspan van GMT Paarl-Oos het Saterdag sy moses teëgekom teen Maties Krieketklub op Stellenbosch. Maties het eerste gekolf en 242/7 behaal ná power boul- en veldwerk deur Paarl-Oos. Paarl-Oos het ook teleurgestel met die kolf, toe hulle slegs 127 lopies kon bymekaarskraap. Spelers wat noemenswaardige vertonings vir Paarl-Oos gelewer het, was Kurt Julius (31; 4x4), Tiaan Cloete (37; 1x4), Lee-Irvin Alexander (20; 1x4 en 2x6), Elroy Abrahams (2/35 na 9) en Jade Adams (2/46 na 9). Paarl-Oos II het effens vergoed met ’n oorwinning oor Wellington II op New Orleans. Wellington (219/10) het eerste gekolf, met Paarl-Oos (221/3) wat die wenlopies reeds in die 35ste boulbeurt behaal het. Wilton van Neel (2/28), Zynodeen Fredericks (2/39) en Wayne Jantjies (2/28) was Paarl-Oos se beste boulers, met Bjorn Hollenbach (118*; 17x4 en 1x6) die beste kolwer. Paarl-Oos III (214/10) het vasgeval teen Brackenfell (215/8). Heino Erasmus (47; 5x4) was Paarl-Oos se beste kolwer en Denstey Davids (2/3) die beste bouler. Eerskomende naweek speel Paarl-Oos I teen Stellenbosch en Distrikte (weg), Paarl-Oos II speel weg teen Van der Stel en Paarl-Oos III speel tuis teen Coronations.
More
News
|
