Thursday 22 September 2011

This site will be updated on 30 September 2011

DRAKENSTEIN EDU se eerste krieketspan het Saterdag geseëvier in hul liga.

Nou mik dié span om eerskomende Saterdag die seisoen onoorwonne af te sluit, wanneer hulle in ’n wegwedstryd te staan kom teen Oostelikes.

Drakenstein het die pas-afgelope Saterdag maklik klaargespeel met Bergrivier II, om die liga-titel te verower.

Ná Bergrivier se manne almal reeds in die 27ste boulbeurt uitgehaal is vir 157 lopies, het dit vir Edu se kolwers slegs 25 boulbeurte geverg om die wenlopies, met ses paaltjies staande, te moker.

Drakenstein se beste kolwer was Dane Schoor (47 lopies), met Ricky Matthee (3/13) wat geskitter het met die bal.

Edu se tweede span het egter Saterdag vasgeval teen Spes Bona III.

Alfonso Mosenthal (3/25 en 33 lopies) het goed vertoon met kolf en bal, terwyl Ryan Carolissen (32) en Nathan Hendricks (24*) hom goed ondersteun het.

Spes Bona het met 20 lopies geseëvier.

More News

Kavaliers moet momentum gebruik Sewes-aksie begin reeds môre Baie visse uitgetrek Standards koning Last shot at gun run Entries open for local MTB race Wedvlug-duiwe Sportdagboek