ONS sit met dieselfde probleem as “Atlanta” woonstelle se inwoners, met ’n erf op die hoek van Thom- en Derksenstraat wat vuil en toegegroei is.
Sedert die huis op die terrein byna twee jaar gelede gesloop is, is die bourommel net so gelaat.
Die erf word nou as toilet gebruik. Daar is vlieë en sekerlik rotte en muise.
’n Brief wat ek gekry het van die Munisipaliteit sê die saak geniet aandag.
Al wat ons wil hê is dat die persoon aan wie die erf behoort, dit moet skoonmaak en die perseel moet toemaak. Is dit so baie gevra om hier op te tree?
Belastingbetaler
May Carolissen van Drakenstein Munisipaliteit reageer: Boubeheer sal binne 48 uur ‘n kennisgewing op die eienaar beteken om die bourommel te verwyder en die plek te beveilig. Brandweer sal die oorgroei van gras aanspreek.
