DIT is nou al die hoeveelste naweek waar ons nagrus in Suider-Paarl (Boschenmeer) versteur word deur barbare wat aan die straatrenne deelneem in die middernagtelike en oggendure.
Verlede Maandagoggend om 12:45 en hierdie Sondagoggend 13:45 om maar twee voorbeelde te noem, word jy wakker geruk deur skreeuende motorbande en brullende enjins van hierdie selfsugtiges. Is dit regtig nodig om wetsgehoorsame inwoners se nagrus op hierdie weersinwekkende manier te ontwrig?
Is daar geen owerhede wat hierdie gemors kan stopsit nie?
Goeie nagrus gesoek
Munisipale woordvoerder May Carolissen reageer: Die Munisipaliteit is in proses om ‘n volskaalse operasie van stapel te stuur, om die probleem te verlig.
