AL hoe meer besighede hou funksies en feesvieringe met vuurwerke.
Die Paarl SPCA is gekant teen vuurwerke. Dit is vir elke diereliefhebber ’n ernstige saak. Die rede daarvoor is ooglopend – elke jaar word diere en mense beseer deur vuurwerke.
Daar is reëls en regulasies wat gevolg moet word, maar die meeste van die reëls word nie toegepas nie.
Ons as Paarl DBV/SPCA praat vir die diere. Ons vra die publiek om ons te help om die diere in die Paarl veilig te hou en op te staan teen die gebruik van vuurwerke.
Ons vra dat Drakenstein Munisipaliteit ons moet betrek wanneer besluite geneem word om permitte toe te staan vir vuurwerkvertonings.Linda Groenewald
