Peoples skop goed af in Pro-20
2010-03-11
YOUNG PEOPLES se eerste krieketspan het Sondag in die Pro-20 kompetisie maklik met Worcester United op Daljosafat afgereken. Worcester het eerste gekolf en kon slegs 54 lopies bymekaar- skraap danksy skitterende boul-en veldwerk deur die Tiere. Charlton Daniels (2/7), Charlin Williams (2/9), Lorenzo Jacobs (2/11) en Jarier Alexander (2/5) het paaltjies ingeoes. Peoples het die wentotaal (58/2) maklik bereik, met Tom-Ross Fortuin (28* 4x4 en 1x6) en Brendon Adams (20* 2x6) wat gevaarlik gekolf het. Die tweede span het hul punte op ’n skinkbord gekry toe Worcester nie ’n span in die veld kon stoot nie. Saterdag speel Peoples I en II weg teen Wellington en Sondag weer weg teen Noord-Boland. Peoples III speel Saterdag tuis teen Franschoek KK.
More
News
|
