Roses United seëvier oortuigend
2010-03-25
SATERDAG, in hul eerste proesel Boland Premierliga-rugby van die 2010-seisoen, het Roses United ’n oortuigende 38-6 oorwinning behaal oor Abbottsdale op Pelikaanpark in Wellington. Die Rose, wat deurgaans in beheer van dié wedstryd was, het veral voorlangs gedomineer. In dié afdeling van die spel het Hyco Jacobs ’n barshou gespeel. Jacobs was goud werd vir Roses in die lynstane en het talle kere omgekeerde besit vir sy span verseker. Agterlangs het Cornel Hendricks vir die tuisspan uitgeblink. Sy briljante spel is oo beloon met twee pragdrieë. Die Rose se ander drieë is gedruk deur Shane Jacobs, Alvin Hugo, Denvor Fortuin en Brandon April. Ryan Jordaan was suksesvol met vier doelskoppe. Roses pak eerskomende naweek vir Ceres op laasgenoemde se tuisveld.
More
News
|
