Hugenote toer na Kimberley
2010-04-01
HUGENOTE HOËRSKOOL het vanjaar weer eens ’n uiters geslaagde toer na Kimberley onderneem om in ’n wye reeks aktiwiteite teen Hoërskool Diamantveld deel te neem.
Bykans 400 leerders per skool het meegeding in kultuuraktiwiteite en somer- sowel as wintersporte.
Hoewel Hugenote se eerste sportspanne harde bene gekou het, het die stryd op sportgebied gelykop verloop met die twee skole wat ongeveer ewe veel wedstryde gewen het.
Op kultuurgebied het Hugenote egter oorheers en die senior en junior debat, die junior redenaars en die junior vasvra gewen, terwyl die skool se koor ook ’n voortreflike uitvoering gelewer het.
More
News
|
