Propvol program by Breytenbach te sien
2010-04-08
DIE Breytenbach-sentrum in Wellington beoog baie aktiwiteite vir die maand van April. Estelle Kenyon gaan vanaf 14 April (19:00) op ’n weeklikse basiese teken-klasse aanbied by die sentrum vir sowel opkomende as meer gevorderde kunstenaars. Tydens hierdie sessies sal die kunstenaars geleer word om lewende modelle te teken. Hierdie kursus kos R300 per maand. * As jy in die agterkamer sit en gedigte skryf, maar nie die moed het om dit vir andere te wys nie, het die Breytenbach-sentrum net die antwoord vir jou. Op Saterdag 17 April (vanaf 09:00 tot 17:00) bied die bekende letterkundige, Ampie Coetzee, ’n werkswinkel aan wat die vraag na wat die poësie is, sal beantwoord. Hierdie kursus het ten doel om goeie gedigte te bespreek, metafore intens te bekyk, en om kortliks kommentaar te lewer op die ingeskrewe gedigte. “Wat is poësie?” kos R250 en sluit alle materiaal en ligte etes in. * Een van die musikale hoogtepunte op die program is ’n vertoning deur Coenie de Villiers. Dié bekende Afrikaanse sanger sal op 24 April om 19:00 in die vierkant van die Bôrdienghuis-teater by die sentrum optree. Kaartjies is R120. Vir meer inligting en besprekings, kontak die Breytenbach-sentrum by 021-873-2786 of stuur ’n e-pos na info@breyten bachsentrum.co.za.
More
News
|
