Motordiewe woelig in vallei
2005-09-15
MOTORDIEWE steel nie net voertuie in verlate parkeerplekke en stil woonbuurte nie, maar spits hulle nou ook toe op voertuie in besige gebiede.
“Hulle steel die voertuie so ongemerk tussen die ander uit,” sê ’n polisiewoordvoerder.
’n Rooi Nissan bakkie met registrasienommer CJ 41581 is Vrydagmiddag in Bothastraat gesteel. Daar is ’n plakker (Ambulance 911) op die buffer.
Dieselfde aand is daar gepoog om ’n voertuig te steel op die parkeergebied buite die Vineyardsentrum in Suider-Paarl.
Die diewe het die slot probeer uithaal, maar kon nie daarin slaag nie.
Die polisie het Sondag ’n wit BMW in Bainskloofpas opgespoor nadat die motor as gesteel aangemeld is.
Volgens die eienaar het die motor in Nuwestraat verdwyn waar hy dit parkeer het. Die motor is verlate langs die pas gevind. Die man se beursie het ook verdwyn.
Maandag is twee voertuie gesteel, ’n swart Ford Courier bakkie in Swartvleistraat in die middedorp, en ’n Mazda B-reeks bakkie in Williamsstraat, Noorder-Paarl.
Die eienaars het altwee die aand om 21:30 ontdek dat hul voertuie verdwyn het nadat hulle dit vroeër die dag geparkeer het.
More
News
|
