Salie boks vir titel
2010-04-15
DIE Paarlse bokser, Johannes Salie (33), ook bekend as 'the Pearl of Paarl’, kom môre-aand in ’n titelgeveg te staan teen die huidige nasionale kampioen, Thsepo Mashego van Mpumalanga.
Dié bokstoernooi, gedoop Double Trouble, vind in Witbank plaas, met Salie (5de gekeur in SA) wat in die hoofgeveg sal meeding om die junior middelgewig titel.
Die geveg sal môre-aand, om 22:00, regstreeks op Blow by Blow(SABC 2) uitgesaai word.
Salie spog tans met ’n rekord van 11 gevegte, 2 nederlae en 9 oorwinnings (waarvan 7 oorwinnings binne die gegewe rondes behaal was).
More
News
|
