Roeiers verteenwoordig SA
2010-04-22
TWEE roeiers van Paarl kanoklub, Pieter-Willem Basson en Chrisjan Coetzee, het die Suid-Afrikaanse K4-span gehaal wat op 2 Mei vertrek na Frankryk en Hongarye om deel te neem aan twee wêreldbyeenkomste.
Saam met die res van dié span, Gavin White (Peninsula) en Fouché van Tonder (Pretoria), het dié viertal onlangs die SA K4 1000m-kampioenskappe in ’n SA-rekordtyd (2 minute en 53 sekondes) verower.
Die wêreldbyeenkomste dien as belangrike voorbereiding vir die wêreldkampioenskappe wat Augustus in Poland plaasvind.
More
News
|
