Gardens kry klap van die windmeul
2005-09-15
DIE eerste span van Young Gardens Rugbyklub het Saterdag sy ligaseisoen met ’n laagtepunt afgesluit toe hy 13-8 deur Windmeul United geklop is.
Verkeerde besluite deur die tuisspan het die wedstryd op ’n skinkbord aan die manne van die Agter-Paarl gegee.
Gardens was in die vaste skrums gans te sterk, maar die besoekers het weer die oorhand in die lynstane gehad.
Tino Prince het Gardens se drie gedruk, terwyl Jeremy Koukom met ’n skepdoel geslaag het.
Die Rooi Rose speel Saterdag in hul derby-kragmeting teen Paarl Rangers op Faurestraat Stadion.
Saterdag se program is (10:00) o.12, (11:00) o.16, (12:00) derde span, (13:00) tweede span, (14:00) veterane, (14:45) o.14, (16:00) eerste span. Toegang is R5 (R3 vir skoliere en kinders).
’n Dans sal om 20:00 by Jeff’s Pub gehou word. Toegang is R10. Derby-navrae by Chrisbin 082-713-5973 of Jonita 084-548-1378.
More
News
|
