KN plaas sewes-kroon op die spel
2010-05-06
EERSKOMENDE Saterdag, vanaf 09:30 tot 16:00, bied Klein Nederburg Sekondêr sy elfde Sewesrugbytoernooi aan op die skool se sportveld. Skole wat saam met Klein Nederburg (die huidige kampioen) aan dié toernooi gaan deelneem, is Bergrivier Sekondêr, Groendal Sekondêr, Kylemore Sekondêr, New Orleans Sekondêr, Noorder-Paarl Hoërskool, Paulus Joubert Sekondêr en Wesbank. Die groepwedstryde is vanaf 09:30 tot 13:00. Die eerste plaat-halfeindstryd word om 14:10 beslis met die eerste beker-halfeindstryd wat om 14:50 gespeel word. Die eindstryde van die plaat en die beker geskied om 15:00 en 16:00 onderskeidelik, met die prysuitdeling wat om 16:30 sal plaasvind. Toegang is R10 (R5 vir leerders en R5 vir voertuie). Kontak John Heugh 021-862-2720 vir navrae.
More
News
|
