Ma sterf een jaar na seun verongeluk
2010-05-13
NET meer as ’n jaar nadat ’n vrou van Paarl-Oos se seun doodgery is, is haar liggaam in haar Curlewisstraat woning gevind. Linda Jantjies (43) was verlede jaar platgeslaan toe haar elf-jarige seun, Curt, in Klein Drakensteinweg doodgery is deur ’n ongelisensieerde motoris. Dit het gekom drie jaar nadat haar man, Conroy, ook dood is in ’n tref-en-trap-ongeluk, skaars 100 meter van hul woning. Sondagoggend het familielede op Jantjies se liggaam afgekom in haar bed. Sy is waarskynlik reeds Saterdagaand in haar slaap dood. Alhoewel Linda aan hoë bloeddruk gely het, is haar gesondheid beskryf as goed. Linda se tweelingseuns, Wesley en Warren (8), sal nou versorg word deur haar bejaarde ma, Eileen Damon. Sy word ook oorleef deur ’n dogter, Belinda (22).
More
News
|
