Gratis regshulp gebied
2010-05-13
DIE Universiteit Stellenbosch se Regshulpkliniek besoek een keer per maand die advieskantore op Klapmuts (by die sportterrein) en Franschhoek (Lord’s Acre Sentrum in Groendal) om gratis regsadvies te gee aan behoeftiges. Die Klapmuts-kantoor is oop op 13 Mei, 10 Junie, 8 Julie, 12 Augustus, 9 September, 14 Oktober, 11 November en 9 Desember (navrae 021-875-5111). Die Franschhoek-kantoor is oop op 7 Junie, 5 Julie, 2 Augustus, 6 September, 4 Oktober, 1 November en 6 Desember (navrae 021-808-3825) Die organisasie bied ook bystand in hofsake wat handel oor siviele aangeleenthede waar kinders betrokke is. Dit sluit in aannemings, gesinsgeweld, kindermishandeling, onderhoud en uitsettings. Hulle reël ook bemiddeling ten opsigte van egskeidings, onderhoud asook natuurlike vaders en moeders wat ’n ouerskapplan wil saamstel. Regsdienste word ook gebied onder meer oor sake rakende verblyfsekerheid en skuldberading (navrae 021-808-3600).
More
News
|
