Jong spanne maak geskiedenis
2010-05-13
PAARL se junior streekspanne het onlangs geskiedenis gemaak met kragmetings teen juniorspanne van Primrose op die Daljosafat-sportgronde. Junior spelers was vanuit die onderskeie klubs gekies om vier junior streekspanne te verteenwoordig in verskeie ouderdomsgroepe (o.12’s, o.14’s, o.15’s en o.16’s). Paarl se spanne het uiteindelik baie goed gevaar. Die Paarl Streek se o.12-span het 22-0 gewen teen Primrose o.12, met Salman Moerat die Paarliete se groot uitblinker. Paarl se o.14’s het 19-12 gewen. Dillon Pietersen en Leighton Bell het goed vertoon. Paarl se o.15’s het 7-elk gelykop gespeel, met Joswin de Wee, Garron Kulsen en Brandon Fortuin die uitblinkers. Paarl se o.16’s het 18-22 vasgeval. Anges Cornelissen en Dast Davids het moedig probeer. ’n Beroep word op die juniorspelers se ouers gemaak om wedstryde by te woon. * Allandale se juniorklub Hou op 16 Junie ’n sportdag te Allandale.
More
News
|
