Gim stof Wynberg behoorlik af
2010-05-20
DIE Hoërskool Gimnasium het Saterdag vyftien drieë in ’n wegwedstryd ingeryg, om ’n massiewe 101-0 oorwinning oor Wynberg te behaal.
Met die rustydtelling 54-0 vir die span van die Paarl, het die Kaapse span van meet af geen teenvoeter vir die Gimmies se aanvallende aanslag gehad nie.
Gim se drieë is gedruk deur Erik van der Merwe, Jacques Botha (2 drieë), Lance Ruthford, Ruan Mouton, Christopher Bosch, Conrad Loubser (4 drieë), Kobus van Wyk (3 drieë), Niel Claassen en Jandré Conradie. Willie Viljoen het 13 drieë verdoel.
More
News
|
