Hokkie-aksie in Paarl
2010-05-20
SATERDAG kan hokkiegeesdriftiges gerus Hoërskool Gimnasium se astro-hokkiebaan besoek, waar verskeie plaaslike klubspanne in aksie gaan wees. Die aksie begin om 13:30 wanneer Paarl se damespan kragte meet teen die span van Mutual CPUT. Om 15:00 durf Paarl se manspan vir Pinelands aan, gevolg deur CPUT Wellington, wat om 16:30 teen Somerset-Wes A speel. Ná afloop van dié wedstryde bied Paarl Dames ’n hoenderbraai aan ter fondsinsameling. Mense wat graag by die Paarl hokkieklubs wil aansluit, kan die volgende persone kontak: Dames: Kontak Adéle Bothma (084-625-8137) of Anel Beukes (084-480-7206). Mans: Kontak Gavin Cupido (084-520-3714) of Jermaine Didloff (082-854-0470).
More
News
|
