Peoples deel louere
2010-05-20
YOUNG PEOPLES het Saterdag sy beste uitslag van die seisoen tot dusver behaal, met ’n 30-elk gelykop uitslag teen Collegians in ’n WP Superliga B kragmeting. Die rustydtelling was 15-12 vir Collegians. Peoples se drieë is gedruk deur Brandon Allies, Francois Daniel, Oswald Thomas en Bjorgen Julies. Dimitric Isaacs het twee doelskoppe en twee strafdoele behaal. Saterdag speel Peoples weg teen Bellville. Die bus vertrek Saterdag om 10:30 vanaf Groenheuwel en kos R25 pp. Peoples vier op 24 Mei hul 115de bestaansjaar. Alle oud-lede, spelers en belangstellendes is welkom om Sondag 23 Mei ’n dankseggingsdiens om 08:00 by te woon te St Stephens Kerk, New Orleans.
More
News
|
