DAAR is Saterdag 22 Mei by ons motorhuis in Vrykyk, Paarl, ‘ingebreek’ deur ’n persoon wat eenvoudig oor die heining geklim het en homself gaan help het aan die gereedskap.
Gelukkig het ek die persoon in die boom sien klim op sy pad uit en kon ek sonder dat hy daarvan bewus was, die Sektor 2 polisievoertuig van Paarl Polisiestasie laat weet. Binne enkele minute was konstabel Brink van die Honde-eenheid hier en net daarna die Sektor 2 patrolliemotor (konstabel Green).
Te danke aan hulle flink optrede is die oortreder gevang en al die gereedskap teruggevind. Baie dankie aan al die polisie-lede wat diens doen in Sektor 2. Julle harde werk word raakgesien.
Dankbare inwoner
