ROSES UNITED het Saterdag sy wenmomentum behou deur ’n 25-20 oorwinning oor Villagers van Worcester te behaal.
Die rustydtelling was 8-7 in die Rose se guns.
Roses se drieë is gedruk deur Brandon April, Christopher Adams en Cheslyn Fredericks. Fredericks het ook twee strafskoppe en twee doelskoppe aangeteken.
Eerskomende Saterdag meet Roses United kragte teen Black Leaves van Gansbaai. Dié wedstryd word op Pelikaanpark gespeel.
