Kavaliers hul klere kwyt
2005-09-22
DIE Kavaliers het die naweek op Wellington van die rugbyveld af groot verloor.
Inbrekers het ’n venster gebreek en in ’n stoorkamer onder die hoofpaviljoen behoorlik onder die rugbyspelers se klere ingeklim.
Twaalf grys langbroeke met ‘Kavalier’ agter op die sak, wat spesiaal deur Sarvu vir Boland-rugby gemaak is, is gebuit.
Ook weggedra is twee swart drasakke met die Kavalier wapen en die nommers 33 en 34, twee oortrektruie en twee grys langmouhemde met met Boland-rugby se druiwetros-embleem.
’n Vorige inbraak was ook soos dié een Saterdag, ná ’n groot wedstryd. Die polisie vermoed dis wanneer diewe kans kry “om rond te kyk.”
Speur-insp Bally Cupido hoop dat die kenmerkende embleem op die Kavalier klere hom na die skuldiges sal lei. Skakel met inligting na die speurdiens, 873-1141.
More
News
|
