MET die onlangse afsterwe van wyle Norma Norman, lewenslange sekretaresse van die Paarl/Wellington Streekkoor, is ’n versoek deur die familie aan die stigterskoorleier, Ivan le Kay, gerig dat ’n sangstuk deur oud-lede by die roudiens gelewer word.
Die reaksie op die versoek was verstommend. Vanuit Kaapstad, Kuilsrivier en ander omliggende dorpe het oud-koorlede gereageer.
Ná die begrafnis het koorlede spontaan na vore gekom en die versoek is aan die koorleier gerig om met die koor voort te gaan.
Die koorleier nooi nou alle oud-koorlede wat steeds ’n passie het om te sing, om hom te kontak by telefoon 021-862-2665 of 082-9246-182 of ifkay@mweb.co.za.
Die eerste oefening vind plaas op Sondag 27 Junie vanaf 16:00 tot 18:00 te La Modernestraat 29, Paarl. Amstelhof Laerskool sal dalk later gebruik word.Viva la musica
