Meld die gate aan
2005-09-22
EK verwys na die briewekolom van 15 September, waarin ’n nuwe inwoner van Wellington, “Pieter”, sy kommer uitspreek oor gate in sommige strate, toevallig in wyk 18.
Op 9 Augustus vanjaar het ek persoonlik ’n opname gemaak van die toestand van straatoppervlaktes in gemelde wyk. My waarneming is aan die Departement Siviele Ingenieursdienste van die Munisipaliteit gerapporteer.
Enkele dae daarna is gate in Cummingsstraat herstel.
Daaropvolgend is ’n skrywe ontvang waarin gemeld word dat lapwerk gedoen sal word soos wat die werkprogram en weerstoestande dit toelaat.
Cummingsstraat en Fonteinstraat is op die program om herseël te word.
“Pieter” is welkom om met my kontak te maak by 082 339 2574.
Johan von Wielligh (Raadslid Wyk 18)
More
News
|
