Die brandweer van Drakenstein Munisipaliteit het verlede week in Klein Drakensteinweg ondersoek ingestel nadat petrol deur Telkom-werkers ontdek is in ’n mangat naby ’n motorhawe, wat gevolglik gesluit is. Hier beduie brandweerlid Wilma Julies (links) aan brandweerhoof Dereck Peceur waar die Telkomwerkers op die petrol afgekom het. Motor Mecca se bestuur het bevestig dat daar ’n lekkasie tussen die petrolpompe en een van die tenke is. Sodra hulle die uitslae kry van toetse wat gedoen is oor die ligging, sal die lekplek herstel word. Die vulstasie sal hopelik binne ’n week weer oopgestel word.Foto: Sieb Sieberhagen
