EK doen deesdae my inkopies by ’n supermark oorkant die behuisingskantoor in Paarl-Oos.
Ek is ’n jarelange inwoner wat al gefrustreerd was weens die swak diens van sommige munisipale werkers veral by die Paarl burgersentrum.
Die vriendelike diens van die kassiere by die Paarl-Oos behuisingskantoor en die behulpsaamheid van een spesifieke dame wat altyd ’n glimlag op haar gesig het, laat jou vergeet dat jy in ’n tou moet wag vir diens.
Ek het al baie familie en vriende verwys na dié kantore om rekeninge en navrae te hanteer.
Ek wil die munisipale bestuurder tog versoek om meer amptenare aan te stel soos dié vriendelike dame.
Vriendelikheid en diens moet parallel loop. Dankie Michelle.
E Smit
