OWERHEDE sowel as private instansies geleë te Paarl en Wellington, is besig om uitmekaar te val, want ongeletterdheid, korrupsie en die blatante weiering om trots vir hul werk te hê is aan die orde van die dag.
Aan die polisie te Paarl en Wellington: Hoekom werk daar mense wat nie ’n woord kan verstaan wat ek sê nie, as ek na julle toe bel? Hoekom werk lede in die aanklagkantoor met hul klein kindertjies wat agter hulle aanhardloop? Hoekom sit hulle en gesels en ignoreer lede van die publiek?
Aan die plaaslike kettingwinkels: Hoekom is die prys van ’n blik koffie in Noorder-Paarl R40, maar by ’n tak in die middedorp, is dieselfde blik koffie R45? Wil julle bekostigbare besigheid doen, of wil julle die publiek besteel en biljoenêrs raak?
Teleurgesteld
