DIE voorgestelde onderverdeling van die plaas La Roche in Noorder-Paarl vir residensiële ontwikkeling is afgekeur deur die Departement Omgewingsake.
Die voorgestelde ontwikkeling van die plaas in Retiefstraat op erf 8724, die eiendom van die Redelinghuys-familie, het groot belangstelling en ongelukkigheid in Noorder-Paarl veroorsaak en daar is selfs ’n spesiale publieke vergadering hieroor gehou, sê raadslid Jean Smit.
Die toestemming is in hoofsaak geweier op grond daarvan dat die voorgestelde ontwikkeling buite die Paarl se stedelike rand val.
Die aansoeker (Marcelle Props) het reeds kennis gegee dat hy by die minister gaan appelleer teen die beslissing.
