DIE Lighuis Familiekerk, Paarl, hou van Woensdag 4 Augustus tot Maandag 9 Augustus konferensiedienste om 19:00 (weeksaande) en 18:00 oor die naweek.
Die hoogtepunt van die week is ’n vrouebyeenkoms Maandag 9 Augustus om 15:00 by die Charleston Hill Skoolsaal in Magnoliastraat, om saam te val met Vrouedag.
Die sprekers by die konferensie is pastore Vinodha Ramasawmy en Leena Bhagarathee van die Light of Christ Church van Mauritius.
Pastoor Vinodha, ’n gesogte spreker, is die vise-president van die Federasie van Pinkster en Charismatiese Kerke van Mauritius. Tesame met haar dogter Leena is hul ’n gedugte span. Felicia Marion van Johannesburg, die voorsanger van die destyds bekende Popgroep, Joy, is die sanger by die geleentheid. Sy sal bekende liedjies soos, ‘Jesus is my master’ en ‘I will lift up mine eyes’ en andere sing.
Vir navrae, kontak pastoor Vernon Jacobs of Frances Jacobs by 021-872-0053 of 073-6565-995 of vernon@agathos.co .za.