Duitse kerkbasaar 'n belewenis
2005-09-29
DIE Duitse kerkbasaar wat Saterdag in Meulstraat, Paarl, aangebied word, is ’n belewenis wat nie misgeloop moet word nie.
Dis ’n koektafel wat kreun met die heerlikste Swartwoudkoeke, kontinentale-styl terte en koeke en ook “Proudly South African”-gebak; dis ’n ellelange vleistafel gelaai met bratwurst, leberwurst en ook “Proudly South African” vleissnitte; dis die naaldwerktafel, reuse boeke-verhoog, plantestalletjie en vele meer.
Kom kyk en kom koop en geniet. Bring die kinders saam, want daar is kinderpret en Tombola en koeldrank en lekkergoed en poeding. Vir Ma en Pa is daar wafels en koffie en gaar bratwurst en Mittagessen... en o ja, natuurlik Bier en Bowle und die Deutsche Gemütlichkeit.
Die basaar open amptelik om 09:00 maar vanaf 08:00 sal kraakvars groente teen weggeepryse al beskikbaar wees.
More
News
|
