Vrou val dief aan
2010-08-05
DIE vreeslose gedrag van ’n 50-jarige vrou het gelei tot die inhegtenisname van ’n vermeende dief op Wellington. Shakira Jooste van Gansstraat het omstreeks 01:30 Maandagoggend wakker geword en besef dat iemand in haar huis was. Sy het ’n man opgemerk wat na bewering besig was om rond te krap op soek na waardevolle goedere. Jooste het hom genader en te lyf gegaan. Hy het egter daarin geslaag om te ontsnap. Met die aankoms van die polisie kon Jooste ’n duidelike beskrywing van die verdagte aan hulle gee sowel as sy naam. Die polisie is nou kort op die hakke van die verdagte.
More
News
|
