Man dood in rivier
2010-08-12
’n MAN wat sedert 28 Julie vermis word, is dood gevind in ’n rivier in die Paarl. Die polisie is op dié dag in kennis gestel deur Alfredo Diedericks (28) se familie, dat hy vermis word. Hy is laas lewend gesien in Eilandstraat. Maar Saterdag is die polisie se hulp ingeroep, nadat ’n verbyganger ’n liggaam opgelet het in die Palmietrivier naby Distilleryweg. Nadat die liggaam deur polisieduikers uit die rivier verwyder is, het familielede bevestig dat dit Diedericks is. Dit is steeds onseker hoe hy dood is en gemene spel word nie uitgesluit nie. Enigiemand wat die polisie kan help met hul ondersoek, kan kapt du Plessis skakel by 082-850-9614.
More
News
|
