EK was Saterdag 14 Augustus in ’n winkel in Lady Greystraat, Paarl. My handsak het in my kleinkind se stootwaentjie gelê.
Groot was my ontsteltenis toe iemand daarmee verdwyn het, maar hoe dankbaar was ek nie toe iemand 15 minute later gebel het om te sê hy het my handsak in Kasteelstraat opgetel! Hoewel ek ’n groot hoeveelheid kontant en ’n duur bril kwyt is, het ek darem my ID, bankkaarte, beursie en sleutels teruggekry. Baie dankie aan die meneer wat my selnommer nageslaan en gebel het!
Magdalena Adams
