Koor tree op in Toringkerk
2005-09-29
DIE Le Choeur Ad Hoc koor tree Sondag om 19:00 in die Toringkerk op. Toegang is ’n kollekte by die deur.
Die koor bestaan uit lede van verskeie kore van Kaapstad, Stellenbosch en Paarl.
Hulle oefen van Meimaand af saam onder leiding van Rochelle Oelofse van die Oos-Kaap.
Die soliste wat saam met die komitee optree, is die bekende Kaapstadse orrelis, Grant Brasler, André Howard (bariton) van Stellenbosch en Antoinette Gibson (mezzo-sopraan) van Kaapstad.
Gibson word begelei deur Marelise Fourie op die tjello.
Die program bestaan uit Maurice Duruflé se Requiem (Op 9) en sy Quatre Motets Op 10 (Vier Mottete).
Twee orrelwerke word ook deur Brasler uitgevoer: Prélude, Adagio et Choral Varié sur le thème du ‘Veni Creator’ en Fugue sur le thème du Carillon des Heures de la Cathédrale de Soissons.
* Die program word Saterdag 8 Oktober om 19:30 herhaal in die St Georges Katedraal, Kaapstad.
More
News
|
