BY De Poort se gewilde Erfenisdagfees op 24 September (Erfenisdagfees) sal daar musiek en arena-items rondom hierdie erfenistema plaasvind.
By hierdie jaar se fees sal daar ook kompetisies wees waaraan die feesgangers kan deelneem, soos om in die kleredrag van oupagrootjie en oumagrootjie op te daag of om met die prys as beste tradisionele braaier of as potjiekoskoning weg te stap. Feesgangers kan ’n spel boules of jukskei speel en vir die kinders sal daar ook baie te doen wees.
Die gewilde “Foto’s met 100 jaar terug se klere aan” sal ook weer beskikbaar wees.
Daar sal ook stalletjies wees met handwerk soos borduurwerk, kantmaak en ander tuisbedrywe en tradisionele ambagte soos ystersmede, leerwerkers, houtwerkers en rytuig- skilders.
Om aansoek te doen vir ’n stalletjie, kontak Marshalline by 021-863-2871 of Riana by 021-872-4842 (kantoorure).
