Ongebreidelde misdaad gaan onverstoord voort 2010-09-02
ELEKTRIESE kabels, telefoonlyne, koper, plate, spuitkoppe, ysterpale, boerderytoerusting, staal, pype, dreindeksels word daagliks gesteel en verkoop.
Gesteelde trollies vervoer dit daagliks na skroothandelaars
Die Arboretum is ’n misdaadarea waar niemand meer veilig voel nie en waar elektriese kabels en pomptoerusting daagliks gesteel word.
Middernagtelike motorjaagtogte gaan naweek na naweek voort.
Dié antwoord hiervoor is tog duidelik. Beveg diefstal, misdaad en werkloosheid met ’n ysterhand en kontroleer die afsetpunte, of ons verval in anargie.
Dit word duidelik nie gedoen nie, in elk geval nie effektief nie.
Die vraag is dan onwillekeurig:
•Is dit ’n gebrek aan politieke wil?
•Is dit onvermoë?
•Is polisiekantore ’n gedissiplineerde, operasionele kantoor in diens van die gemeenskap?
•Waarom weier die vervolgingsgesag (volgens die SAPD) om mense vir diefstal te vervolg as die eienaar nie kla nie?
In die privaat sektor word onbekwame mense afgedank en vir swak diens word nie betaal nie.
Vir hoe lank moet ons belastingbetalers dit nog toelaat?
Ons benodig ’n noodberaad vir diefstal op die platteland.Moedeloos
