Peoples reg vir krieketseisoen
2005-09-29
DIE manne van Young Peoples Krieketklub is gereed vir die krieketseisoen wat die naweek afskop.
Die Tiere het Saterdag vir Milnerton Krieketklub in ’n vriendskaplike wedstryd op Daljosafat geklop.
Peoples teken 233/7 aan, danksy goeie bydraes deur Quinton Kannemeyer (75 4x8), Brendon Gabriels (56 4x4) en Tom-Ross Fortuin (43nun 4x4, 6x1).
Al die boulers het ’n goeie dag beleef en die besoekers verhoed om die teiken te haal.
Peoples II het ook ’n vyfpaaltjie-sege oor dieselfde klub behaal.
Die Tiere is die teiken van 144 gestel, nadat Sean Andrews (4/28 in 10bb), Gercian Gabriels (2/16 in 8bb) en Nolan Timmy (1/14 in 10bb) baie goed geboul het.
Melvyn Jackson (66 4x11, 6x1) en Imran Nackerdien (29 4x5) het die hoogste tellings aanteken.
Saterdag speel Peoples I weg teen Vredenburg/Saldanha.
* Paarl-Oos I speel tuis teen Hermanus I.
More
News
|
