EK is ’n onderwyseres by Laerskool Drakenstein en elke jaar stap die hele skool vir Lentedag deur die Arboretum.
Hierdie jaar was ons almal verras oor die goedversorgde, pragtige boompark.
Die toiletgeriewe was skoon uitgewas en netjies, die gras is gesny, bankies en sitplekke is netjies reggemaak en daar was geen rommel nie.
Ons leerders het die heerlike sonnetjie so geniet in die pragtige natuurskoon.
Ek wil namens ons skool die Drakenstein Munisipaliteit gelukwens. Ons het duidelik die verskil gesien.
Ek hoop ons almal kan bydra om dit in so ’n netjiese toestand te hou.
Melanie Wolhuter
