Kom wen saam met Boland Kavaliers
2010-09-16
ONDERSTEUNERS van die Boland Kavaliers kan Vrydag met lekker pryse wegstap by die Boland-stadion, ná afloop van die wedstryd tussen die Boland Kavaliers en die SWD Arende. Boland-ondersteuners wat Vrydag die beste geklee is in ‘Kavaliers-uitrusting’ (vlae, truie, plakkate en so meer), staan ’n kans om een van vyf 2011 Boland Kavaliers-pette te wen, wat geteken is deur die Springbok-slot Victor Matfield. Nóg pryse sal op die dag uitgedeel word, onder andere Kurt Darren se nuwe CD ‘Love Songs’, mini-rugbyballetjies (ook geteken deur Matfield), asook twee Absa-spaarrekeninge ter waarde van R2500, in samewerking met SA Rugby en die ‘Get That Fan’-kompetisie (besoek www.getthatfan.co.za). Vrydag se wedstryd tussen die Boland Kavaliers en SWD Arende skop om 16:00 af, met die o.21-spanne van Boland en WP wat om 14:30 in ’n voorwedstryd sal kragte meet. Kaartjies kos R30 (toegang is gratis vir skoliere). Die hekke open om 14:00.
More
News
|
