Vrou sterf ná 'wheelies'
2010-09-16
’n VROU is dood en een ernstig beseer, nadat ’n voertuig in hulle vasgery het. Die vrouens het Vrydagaand om 18:45 op ’n sypaadjie in St Patrickstraat, Weltevrede, ge- stap, toe hulle getref is. Volgens ooggetuies het die bestuurder van ’n motor “wheelies” gemaak, toe die voertuig buite beheer begin tol het. Die vrouens is toe getref. Die bestuurder van die motor het weggejaag, maar is later deur die polisie opgespoor en in hegtenis geneem. Magdelene Brown (51) en Sarie Hendricks (44), albei van Weltevrede, het ernstige kopbeserings en beenbreuke opgedoen. Hulle is na Paarl Hospitaal geneem, waar Brown later gesterf het. Sy word oorleef deur vier kinders. Riaan Ibrahim (33) van Hillcrest is in verband met die voorval in hegtenis geneem en van strafbare manslag aangekla.
More
News
|
