EK wil die Munisipaliteit bedank dat hulle, na vele klagtes, die oorgroeide parkie in Springbokstraat, New Orleans, skoongemaak het.
Die gebied is nou veiliger, maar dit is kommerwekkend dat geen poging aangewend word om die gebied te verfraai nie - die grond is gelykgestoot en toe net so gelaat.
Ons kom ons beloftes na om ons belasting op datum te hou, maar ons munisipale woonstelle is in so ’n swak toestand - geen wonder TB vier hoogty nie.
Raadslede kom ook nooit na vore nie en alles wat jy vra val op dowe ore. Maar volgende jaar verkiesingstyd werf hulle weer jou stem.
Ploeg eers iets terug in die gemeenskap, dan is jy vry om te klop aan ’n deur. Maar tot nou was dit net leë beloftes. Maak Gemsbok se inwoners trots op hulle plek.
J Brink
