’n POPPEKAS, oor die kinderverhaal “Raponsie”, word op 9 Oktober om 10:00 in die Ou Meul-teater aangebied.
Soos in die sprokie word Raponsie in ’n toring opgesluit deur ’n nare heks. ’n Prins hoor egter eendag haar pragtige stem en vind gou-gou uit hoe om by haar in die toring te gaan kuier. Hy raak dadelik op die mooi meisie met die lang hare verlief. Wanneer die heks uitvind dat die prins op die toneel is, raak sy vreeslik boos. Kaartjies is R40 en kan bespreek word by Vicky by 083-564-0056.
