Paarliete slaan kishou teen Strand
2010-10-14
DIE Paarl Huguenot tennisklub se veldtog om die Suid Boland DD Joubert- en Thurston trofees te verower, het Saterdag op ’n goeie voet afgeskop toe die span wat meeding om the DD Joubert-trofee hul kragmeting teen die Strand gewen het. Saterdag se span wat met Strand afgereken het, was Egon Samaai, Aden Demas (kaptein), Yasier Rhoda, en Alfriedo Petersen. Dié klub is ook in ’n gunstige posisie omdat ses van die sewe kragmetings in die Paarl gespeel word. Die klubs wat meeding is Durbanville, Maties, Van der Stel, Brackenfell, Vlottenburg, Bottelary en Wellington. Hulle speel weer op 16 en 23 Oktober en dan weer 6, 13 en 20 November in die Paarl.
More
News
|
