DIT is weer daardie tyd van die jaar - matriekeksamen.
Dit is egter jammer om te sien hoe min simpatie of empatie die publiek met hierdie studente het. Dit raas met die hardste musiek selfs in die week en tot hoe laat in die nag. Onthou hierdie selfde kinders wat julle so toegejuig het met hul matriekafskeid vra tog dat julle die nodige stiltetyd aan hulle gun.
Die matriekeksamen begin reeds op 25 Oktober en eindig 3 Desember. As ’n ouer pleit ek namens hierdie kinders om hulle die nodige stilte te gun asseblief.
Daarna as die uitslae kom, kan ons almal saam raas as die suksesse daar is.
Veral die mense van Paarl-Oos omgewing kan ’n bydrae lewer deur net minder geraas te maak.
Matriekouer
