Krieket-telbord
2010-10-21
GEMENGDE WELSLAE VIR BERGRIVIER. Die eerstes van Bergrivier het Saterdag vir Citrusdal met 7 paaltjies geklop, maar Sondag die knie gebuig voor Oostelikes met 6 paaltjies.
Citrusdal is na 25 boulbeurte vir slegs 69 lopies uitgeknikker. Ryan Mouton (9-2-16-6) het die grootste skade aangerig met Fabian Arendse (1-0-5-2) wat die naasbeste boulsyfers behaal het. Bergrivier het die wenlopies (70/3) na 13.1 beurte aangeteken, met Waylon Libbie (45 7x4). Sondag op Weltevredepark het Bergrivier eerste gekolf en is almal uitgeboul vir 191. Ryan Mouton (53 6x4, 3x6), Fabian Arendse (33* 3x4) en Waylon Libbie (26 3x4) was die tuisspan se beste kolwers. Swak boul- en goeie kolfwerk het egter gesorg dat Oostelikes die wedstryd maklik kon wen na 36.5 beurte. ) DRAKENSTEIN WARM EN KOUD. Drakenstein Edu KK het Saterdag op Laborie ’n swak kolfvertoning gelewer toe hy met 6 paaltjies teen Grabouw verloor het. Drakenstein het eerste gekolf en het vanaf 68/3 tot 83 almal uit, ineengestort. Die tweedes het Saterdag op Kraaifontein met 74 lopies teen Easterns II verloor. Easterns het eerste gekolf en ’n stewige 242 in hul 45 beurte aangeteken. Dewald Bruintjies (2/53), was Drakenstein se beste bouler. Drakenstein het in antwoord 168 lopies behaal met Denver Jacobs (40), die beste kolwer. Die tweedes het Sondag Stellenbosch en Distrikte II met 8 paaltjies afgeransel. Stellenbosch het eerste gekolf en geen antwoord gehad vir die boulwerk van Enver van Breda ( 4/15) nie. Hulle het die wenteiken in net 22 beurte afgekolf met Chester Kuiler (33*) en Etlin Loff (25*). Die derdes was op die CPUT-Ovaal in ’n riller met Exelsior II betrokke. Op ’n draaiersparadys is Exelsior vir 114 uitgeboender deur veral Anver Daniels (3/15). Die held met die kolf was Faiz Bailey met 23 lopies. ) DISASTROUS WEEKEND FOR PAARL CC. On Saturday, Paarl came up against a resilient Wellington in the form of the in-form Warren Groeneveldt (93) and Bronwill Williams (51). Wellington made 231 runs in their allotted 45 overs. Paarl’s best bowler was Rabian Engelbrecht (4/18). It was only Lynal Jansen (69*), supported by Hein Adonis (23) who gave some resistence. Wellington won the match by 77 runs. On Sunday, Paarl batted first against Maties in a MTN 40 over match. Lee-Roy Walters (60 off 84 balls) was their best batsman. Maties lost early wickets when Hilroy Paulse struck with the new ball. It was the Boland captain Omphela Ramela who steered the ship for Maties with a knock of 41* and allowed Maties to win by 2 wickets. ) WELLINGTON KRAAI KONING. Wellington-CPUT I het die naweek tuis met Paarl I afgereken. Met Warren Groeneveld (93) en Bronwell Williams (51) kon Wellington ’n telling van 232/8 aanteken. Boulers wat uitgeblink het was Craig Abrahams (3/28), Jaco Strydom (2/29) en Johan du Plessis (3/32). Paarl is in die 40ste boulbeurt uitgeboul vir 155 lopies. Wellington wen met 77 lopies. Wellington-CPUT II het Sondag tuis teen Mbekweni ’n rekordtelling van 438/5 aangeteken met Wiaan Pietersen (162*), Westley Hendricks (95) en Edward Small (61). Mbekweni is uitgeboul vir ’n skamele 122 lopies met Jay-dee Warne (3/15) en Gerswin Williams (2/21). Wellington II wen die wedstryd met 316 lopies. ) PAARL-OOS SE TWEEDES TRAP KLEI. Paarl-Oos II het die afgelope naweek teen Vredenburg/Saldanha vasgeval en met 4 paaltjies verloor. Hulle kon 178/6 in die toegelate 45 boulbeurte aanteken met Manfred de Kock (68 4x4), Heino Erasmus (58 4x2) en Wade Schoor (25 4x4). Paarl-Oos I het met 6 paaltjies teen Young Peoples gewen. Waylyn September (40) en Tiaan Cloete (40 4x3) het goeie vertonings gelewer, terwyl Jade Adams (2/38), Wayne Minnies (2/25) en Tiaan Cloete (3/19) met die bal presteer het.
More
News
|
