Wie help dié honde?
2010-10-21
WAT het geword van die hondevangers van die munisipaliteit? Die Dierebeskermingsvereniging is nie verantwoordelik vir rondloperdiere nie, en dus toe ons hierdie verdwaalde, afgeskeepte Chow-hond in Nuwestraat gewaar het, het ons om 16:15 dié nommer van die munisipaliteit geskakel vir rondloperdiere - 021-807-6353. Die dame wat geantwoord het, het gesê sy stuur dadelik iemand, maar teen 16:40 was daar steeds niemand. Met die terugbel is daar gesê die betrokke man is reeds huis toe. Dit is net nog ’n bewys van hoe die munisipaliteit afskeep. Hierdie mense word betaal om hul werk te doen, maar watse werk doen hulle eintlik?
More
News
|
